Syarat Dan Ketentuan :

Bhagawan Dhomya

Hana si ra bràhmaóa bhagawàn Dhomya ngaran ira. Patapan ira ri Ayodhyàwiûaya. Hana ta úisya nira tigang siki, ngaran ira sang Utamanyu, sang Àruóika, sang Weda. Kapwa pinarikûa nira, yan tuhu guruúuúrùûa gurubhakti. Kramanya de nira marìkûa: sang Àruóika kinon ira yàsawaha rumuhun, kamênà nira wehana ri sang hyang Dharmaúàstra. Yatna ta sang Àruóikàngulaha, sakrama ning masawah ginawayakên ira. Sêðêng ahayu tuwuh nikang wìja, têka tang wah saka wåûþipàta hudan adrês. Alah ta galêng tikang sawah. Saka ri wêdi nira n kahibêkana toya ikang pari, tinambak nira ta ya tapwan asowe ikang wway. Alah têka tambak nikà, muwah tinambak nira. Tan wring deya nira, i wêkasan tinambakakên tàwak nireng wway manglêóðö, tarmolah irikang rahina wêngi. Katon tàwak nira ngkàneng sawah e sang guru. Mojar bhagawàn Dhomya ri sira, kinon ta ya siràwungwa.

yasmat kewàrakhaóðena wardanye pi sangsthitaá, tasmàd wawarika bhùtwà dhàrakaá munin aruniá

‚Anakku sang Àruóika, atyanta ring dhàraka. Pawungwa tànaku. Sang Addyayatu (Uddalaka) ngaranta, manambakakên awakta ring wway makanimitta bhaktinta ring guru.

úreyo ‘wàsyanti yo siddhiá“

Astwanêmwa kita sukha, siddhimantrà wàkbajrà kita‛

Nàhan ta pamarìkûa bhagawàn Dhomya ri sang Àruóika. Tumùt sang Utamanyu pinarìkûa nira. Ya ta kinon ir mahwana ng lêmbu. Yatna tingkah nira n pahwan irikang goh. Hàraka sang Utamanyu mahwan; ulih nirànasi ndatan pawwat nasi tasyan sira ri ðang hyang guru. Ojar ta sang guru:

‚Anaku sang Utamanyu. Krama ning úiûya yan gurunhakti; mawwat nasi solih nirànasi karma nikà. swayam aúrayamakopajìwana

Solihtànasi tan yogya bhuktinta.‛

Mangkana ling nira mpu guru. Manêmbah ta sang Utamanyu, umupakûamàkên i úìla nira n salah. Irikang sakatambay eñjing lumampah ta siràhwan, sumêlang manasi muwah. Solih nirànasi ya ta pawwat nire ðang hyang guru. Huwus niràwwat taysan, manasi ta sira muwah, pinakopajìwa niràhwan ikang lêmbu. Katinghalan tànasi ping rwa, inuhutan ta sira de sang guru, apan lobha ngaran ing mangkana. Ndatan panasi ping rwa pinakopajìwanà nira, ling ning guru. Dadi sira minum irikang kûìra tatúeûa ning lêmbwanusu. Tinakwanan ta sira hàraka nira de ning guru, màjar sira yar pamöh tatúeûa ning lêmbwanusu. Ling nira sang guru:

‚Udù, mangkin tan yogya ulahteku, apan malap gurudåwya. Tan dadi ring úiûya mangan dåwya ning guru‛. Mangkana ling nira mpu. Mari ta sira minum susu. Hana wêrêh ning watsa mêtu sangkeng tutuknya yan panusu warêg sinuswan ing indungnya. Ya tikà dinilat nira, pinakopajìwa niràngrakûekang lêmbu. Muwah ta sira tinañan de ðang àcàrya guru ryàhàra nira, màjar sira yan pangdilat i wêrêh ning watsa n tumibeng lêmah, pinakàhàra nira, màjar ta sang guru:

‚Ai anaku sang Utamanyu, tan yogya ike àhàranta. Ikang watsa wruh ikà ri lapàntànaku. Saka ri wêlas nyambêknya kita, hêtunyàngutahakên ulihnyànusu. Tuhun yan wêrêh ngaranya, tan dadi ng wwang kadi kita mangêpeki pangan ing watsa. Sangkûepanya: manghorati bhukti ning len ngaranya. Haywa pinakàhàra ikang tan yogya upajìwanà, apan agyang akuru ikang watsa yan mangkana.‛

Nàhan ling nira mpu. Manêmbah ta sang Utamanyu. Ri sakatambayeñjing mahwan ta sira muwah, tatan pamangan sira. Saka ri lapà nira, amangan ta sira gêtih i rwan ing waduri. Ardhàpanas pwekà gêtih ing rwaning waduri, sumök ta ya têkeng mata. Andhìbhùta, dadi ta sira wuta tan panon deúa; hàrohara ta siràmet irikang lêmbu. Hana ta sumur mati. Ngkàna ta sira n tibà kalêbwing sumur, apan tan panon ing màrga nira. Sore pwekang kàla, mulih tekang wåûabha tan hanàngiring mare kanðangnya. Ndatan katon sira mulih de nira mpu, hàrohara ta siràmet i úiûya nira. Irikang sakatambesuk inulatan de ðang hyang guru, kapanggih ta sireng jro sumur mati. Tinañan pwa sira kàraóa ning kalêbwing sumur mati, màjar ta sang Utamanyu yan wuta, amangan gêtih ing waduri saka ri lapà nira n inuhutan de ðang hyang guru mangdilata wêrêh ning watsa.

Saka ri kàruóya bhagawàn Dhomya wineh ta sang Utamanyu mantra Aúwinodewaràjani uccàraóàkêna nira, matang yan marya wuta. Apan sang hyang Aúwinodewamantra de sang guru. Ndatan madwa sang hyang mantra, ðatêng ta sang hyang Aúwinodewa maweh anugraha tumpihangin kinonakên wurungan wuta. Ya ta panganên ira pakoûadhà ni laranya, niyata warasa. Pinangan ira pwa ya ta,

cakûur arogyaý bhawati

muwah ta sira paripùróa indra ning mata nira, tan hana kawikàra ning akûi wêkasan. Sukha ta bhagawàn Dhomya tumon i sang Utamanyu.

Siddhiúàstrànugrahomi

Manganugrahàni ta sira úàstra siddhi lawan, tatan kêneng tuhàtah rùpanyanaku.‛ Nàhan ta ling bhagawàn Dhomya manganugrahe sira.